QUAESTOR Sacri Palatii

QUAESTOR Sacri Palatii

sub Imperatorib. Constantionpolitanis is erat, qui petitionibus subscribebat, vel etiam responsa reddebat, et ut verbô dicam, qui leges dictabat, precesque ac responsa subnotabat, ut constat ex Notitia Imper. Roman. Sub eorum dispositione etiam laterculum minus erat, ut patet ex l. 32. Cod. de appell. l. 1. Cod. de Offic. Quaestor. Novell. Valentiniani III. l. ult. C. de petit. bonor. l. 64. et seq. Cod. de Decur. etc. Symmachus ad Ausonium, Quaestores, memini: consilii regalis particeps, scio, precum conditor, recognosco. Et alibi, Te magis Quaesturae honos et condendarum sanctionum usus exercuit, Procopius, de Bello Persic. l. 1. Εἰ μη Πρόκλος ἐκώλυσεν, ὃς βασιλε̑ι, τότε παρήδρευε, τὴν τοῦ καλουμένου Κουάιςτωρος ἀρχὴν ἔχων, ἀνὴρ δίκαιος, διὸ δὴ οὔτε νόμον τινὰ ἐυπετῶς ἔγραφεν. Nisi Proclus obstitisset, qui Imperatoris tum assessor erat, Quaestoriâ dignitate insignis, vir iustus, qui proin nullam unquam legem praecipitanter scripsit. Et alio locô Τριβουνιανὸς, Βασιλε̑ι πάρεδρος Κουαίςτωρα τοῦτον καλοῦσι Ῥωμαῖοι, Trebonianus Imperatoris assessor, Quaestorem illum appellant Romani. Quibus de causis Quaestor Iustitiae et Legum Custos appellatur et Thesaurus Famae publicae et Armarium Legum in Novell. Valentiniani de homicid. casu fact. et Cassiodoro semel atque iterum. Denique is plane videtur fuisse Quaestor, quem in aula Cancellarium hodie appellitant, ut et Latini medii aevi. Nicetas l. 7. Τὸν ὀικεῖον ὡς ἡ Λατίνων Βούλεται φωνὴ Καγκελλάριον, ὡς δὲ Ἕλληνες εἴποιεν Λογοθέτην, Domesticum, quem Latinorum vox Cancellarium vocat, Graecorum Logothetam: Quomodo etiam legitur in Notitia Officiorum Constantinopolitanorum. His pooro verbis Quaestor Rescriptis et Constitutionibus subscribebat, QUAESTOR LEGI, additâ die, ut in Constitut. Iustin. et Tiberii de adscriptitiis. Praecedebat subscriptio Principis additâ etiam die; quod iis verbis significatur in Novella Valentiniani de Homicid. cas. fact. Et manu divina: divinitas te servet per multos annos etc. Dicti autem sunt Quae stores, Viri illustres et Excellentissimi, Brissonius apud Calvinum d. l. plura apud Th. Marcil. ad Titum Suetonii, c. 6. ubi Cancellarii hodierni dignitatem, illustriorem longe esse, inter alia docet.